पूर्वराष्ट्रपति विद्यादेवी भण्डारीं थः लिउने वनेगु अवस्थाय् मदु धका धयादीगु दु। राजनीतिक रिपोर्टर नाप खँ खल्हायेगु झ्वलय् पूर्वराष्ट्रपति भण्डारीं तुति खाकेगु स्थितिइ मदु धका धयादीगु दु।

‘जि न्ह्यावने धुनं, तुतिं खाकेमखु’, वयकलं धयादीगु दु।थः सक्रिय राजनीतिइ वयेगु खँ सुं ग्यायेम्वाः धका पूर्वराष्ट्रपति भण्डारीं इनाप यानादीगु दु।

‘बरु जिगु पक्षय् न्ववाइपिन्त आतंकित यायेत स्वयाच्वंगु दु, थ्व दिकेमाः’, भण्डारीं धयादीगु दु। पूर्वराष्ट्रपति भण्डारीं एमालेया राजनीतिइ लिहावयेगु निर्णय न न्यकूगु खः।

Categorized in राष्ट्रिय