वंगु च्यान्हु निसे सेयर बजार कारोबारय् लगातार थहा वनाच्वंगु दु। म्हिगः बुधवाः ५.१७ ल्याखं थहावंगु खःसा थौ बिहीवाः ३.७६ ल्याखं थहावंगु खः।

थ्व नापं नेप्से परिसूचक २९८२ ल्याखय् थ्यःगु दु।थौ १२३ गु कम्पनीया भाः थहावंगुलि १२७ गु कम्पनीया भाः कुहावःगु खः।थौ हाइड्रोपावर समूह दकलय् अप्पो २.०० प्रतिशतं थहावःगु दु। विकास बैंक १.०६, होटल नाप पर्यटन ०.४६, लगानी ०.२५ लिसे व्यापार ०.२८ प्रतिशतं थहावःगु खः।

बैंकिङ ०.६१, फाइनान्स ०.७६, जीवन बीमा ०.२३, उत्पादन नाप प्रशोधन ०.५८, माइक्रोफाइनान्स ०.२३, निर्जीवन बीमा ०.५७ व मेमेगु ०.०९ प्रतिशतं घटे जूगु दु।थौ हाइड्रोपावर समूह जक हे ८ अर्ब ४० करोडया कारोबार जूगु दु। कुल कारोबारय् हाइड्रोपावर समूह हिस्सा ४५ प्रतिशत खः।

बैंकिङ समूहया १ अर्ब ३२ करोड, विकास बैंकया १ अर्ब ८५ करोड, माइक्रोफाइनान्सया १ अर्ब ७९ करोड नापं मेमेगु समूहया १ अर्ब ९ करोडया कारोबार जूगुलि ल्यः दनिइगु समूहया कारोबार रकम १ अर्ब स्वया म्हो खः।थौ यक्को कारोबार जूगु न्यागु कम्पनीइ राधि विद्युत्, ङादी ग्रुप, ग्रिन भेन्चर, लुम्बिनी विकास बैंक व हिमालयन रिइन्स्योरेन्स खः।

Categorized in राष्ट्रिय