नेपाल साहित्य मन्दिरया ग्वसालय् दँय दसं बियावया च्वंगु जरिमैंया साखः लुमन्ति सिरपा व कुमार साखः लुमन्ति हःपाः सिरपा शनिबार लःल्हाःगु दु।

नेपालभाषाया साहित्य ख्यलय् ज्वमदुगु योगदान बियावया च्वंम्ह छम्ह मिसा साहित्यकारयात बिइगु जरिमैंया साखः लुमन्ति सिरपा सुलोचना मानन्धरयात व मिजं साहित्यकारयात बिइगु कुमार साखः हःपाः सिरपा विजयरत्न असंबरेयात ब्यूगु दु।

शनिबार ख्वपया सिद्धिपोखरी पार्टी पालेसय् जूगु छगू ज्याझ्वलय् वयकःपिन्त नगद नाप हना पौ देछाःगु खः। उगु ज्याझ्वलय् नेपाल साहित्य मन्दिरया संस्थापक नांजाम्ह साहित्यकार तिलक प्रकाश कायस्थ मूपाहाँ कथं झायादीगु खः।

उगु ज्याझ्वलय् सिरपाया मू खँयाबारे ग्वसाः खलःपाखें सभानायः अगिब बनेपाली जानकारी बियादिगु खः।

Categorized in राष्ट्रिय