प्रतिभा बुक बैंक व प्रतिभा समाजया ३१ क्वःगु दँ मुज्या नाप सातुआकी स्मृति दिवसयात कया वुद्ध जीवनी शिर्षकय् चित्रकला कासा जूगु दु।

प्रतिभा समाजया ग्वसालय् योङ्ग पिकासोया सहकार्यय् जुगु उगु ज्याझ्वलय् ३५ म्ह मस्तय्सं ब्बति काःगु खः। टाइम्स इलेमेन्ट्री स्कुलया अर्दिता महर्जन न्हाप जूगु खः। अथेहे ब्लु बर्ड स्कुलया आशिर्या देशार ल्यू व रोज वर्ड स्कुलया पालिजा मानन्धर खड्गी लियाल्यु लागु खः।अथेहे गोबिन्द गजमेर व युनिशा सुनुवारं हःपाः सिरपा त्याकूगु खः। कासाय् त्यापिन्त मूपाहाँ नेपाल व्यवसायी कलाकार संघया अध्यक्ष प्रेम श्रेष्ठं ट्रफी, मेडल, हनापौ नाप नगद सिरपा लःल्हागु खः।

कासाय् निर्णायकय् योङ्ग पिकासोया निर्देशक अजय देशार, चित्रकारपि बालकिशोर चौधरी व सितु मास्के च्वनादीगु खः।

प्रतिभा समाजया अध्यक्ष प्रा.डा. बज्रराज शाक्यया सभाध्यक्षताय् जुगु उगु ज्याझ्वलय् सचिव किरण नरसिंह शाक्य, सदस्यपि प्रा.डा. चुन्दा महर्जन, डा.पुष्परत्न राजकर्णिकार, शाक्य सुरेन, अष्टमान महर्जन, नेवाः पत्रकार राष्ट्रिय दवुया अध्यक्ष नृपेन्द्रलाल श्रेष्ठ, उपाध्यक्ष सुरेन्द्रभक्त श्रेष्ठ, नेपाः टेलिभिजनया प्रमुख रामकृष्ण खड्गी, मन्तुना मिशा खलः यलया अध्यक्ष शुशिला शाक्यपिनिगु ब्बति दुगु खः।

Categorized in मनोरन्जन