बोल बम यात्रा यायेत द्वलंद्वः भक्तजनत सुन्दरीजलय् थ्यंकूगु दु। दँय्दसं साउनया सोमबाः वागमती खुसिया सिथय् च्वंगु सुन्दरीजलय् मुनीपिं भक्तजनतय्सं शुद्ध जुयाः थनया जल पशुपतिनाथ देगलय् यंकाः छायेगु याइ।

थौंया बोल बम यात्राया ग्वसाः बोल बम काँरिया सङ्घ व सनातन युवा मञ्च नेपालं याःगु खः। थौंया बोल बम यात्राय् थ्यंमथ्यं झिद्वः सिबें अप्वः भक्तजनतय्सं ब्वति कयाच्वंगु प्रहरी प्रभाग सुन्दरीजलं धाःगु दु।

साउनया सोमबाः पशुपतिनाथया दर्शन यायेत वइपिं भक्तजनतय् निंतिं थौं सुथय् स्वता इलं निसें पशुपतिइ प्यंगूलिं लुखा चायेकाः तःगु धकाः पशुपति क्षेत्र विकास कोषया सदस्य सचिव सुभाषचन्द्र जोशीं धयादिगु दु।

Categorized in राष्ट्रिय