प्रधानमन्त्री केपी शर्मा ओलीं झिक्वःगु राष्ट्रिय खेलकुद कासा आः वइगु मङ्सिर दुने जुइगु यानाः चुस्त व प्रभावकारी तयारी यायेत युवा लिसें खेलकुद मन्त्रालय व राष्ट्रिय खेलकुद परिषदया नेतृत्वयात निर्देशन बियादीगु दु।

प्रधानमन्त्री निवास, बालुवाटारय् जूगु सहलहय् प्रधानमन्त्री ओलीं आः वइगु सन् २०२६ य् जापानय् जुइगु एसियन कासा न्ह्यः न्ह्याये त्यंगु राष्ट्रिय कासा तयारी न्ह्याकेत निर्देशन बियादीगु खः। वय्कलं धेंधेंबल्लाया दिं व थाय् बांलाक अध्ययन यानाः निर्णय यायेत व निर्णय लिपा महिलेत नं इनाप यानादिल।

परिषदया संरक्षक नापं जुयाच्वनादीम्ह प्रधानमन्त्री ओलीं मन्त्रालय व परिषदया नेतृत्व दथुइ माः कथंया समन्वय जुइ माःगु खँय् बः बियादीगु खः। सहलहय् युवा लिसें खेलकुदमन्त्री तेजुलाल चौधरी, मन्त्रालयया सचिव डा हरिप्रसाद लम्साल, परिषद्या उपाध्यक्ष ध्रुव आचार्य, सदस्यसचिव टङ्कलाल घिरिङ लिसेंया नं ब्वति दूगु खः।

Categorized in कासा