सङ्घीय संसद् अन्तर्गतया थी थी न्यागू संसदीय समितिया बैठक थौं च्वनेत्यंगु दु।

सार्वजनिक जूगु ज्या धलः कथं अन्तरराष्ट्रिय सम्बन्ध व पर्यटन समिति, कृषि सहकारी लिसें प्राकृतिक स्रोत समिति, शिक्षा, स्वास्थ्य लिसें सुचं प्रविधि समिति, सार्वजनिक लेखा समिति, विधायन व्यवस्थापन समिति व सार्वजनिक नीति लिसें प्रत्यायोजन विधायन समितिया बैठक च्वनेत्यंगु दु।

अन्तरराष्ट्रिय सम्बन्ध व पर्यटन समितिइ ‘नेपाल हवाई सेवा प्राधिकरण विधेयक, २०८१’ य् संशोधन दर्ता यानादीपिं सांसद नापं सहलह याइगु ज्या धलः दु। कृषि सहकारी लिसें प्राकृतिक स्रोत समितिइ ‘भूमि सम्बन्धी छुं नेपाल ऐनयात संशोधन यायेत दयेकूगु विधेयक, २०८२’ य् लाःगु संशोधनया सम्बन्धय् संशोधनकर्ता सांसदपिंनाप सहलह याइगु ज्या धलः दु।

शिक्षा, स्वास्थ्य लिसें सुचं प्रविधि समितिइ मिडिया काउन्सिल विधेयक, २०८० या सम्बन्धय् सरोकारवाला नाप सहलह याइगु ज्या धलः दु। लिसें लेखासमितिं उपप्रधानमन्त्री लिसें अर्थमन्त्रीया उपस्थितिइ सरकारया फुक्कं सचिवत नाप सहलह याइगु ज्या धलः दु। विधायन व्यवस्थापन समितिइ ‘राष्ट्रिय विधि विज्ञान प्रयोगशाला (पलिस्था व सञ्चालन) विधेयक, २०८१’ य् दफावार सहलह याइगु ज्या धलः दु।

सार्वजनिक नीति लिसें प्रत्यायोजन विधायन समितिइ कानुन, न्याय लिसें संसदीय मामिलामन्त्री नाप सहलह याइगु ज्या धलः क्वःछिनातःगु दु।

Categorized in राष्ट्रिय