बागमती प्रदेशया मुख्यमन्त्री बहादुर सिंह लामां स्वम्ह मन्त्री नियुक्त याःगु दु। लामां गोविन्द लम्साल, माया श्रेष्ठ व गीता गुरुङयात मन्त्री नियुक्त याःगु दु।

लम्सालयात आन्तरिक मामिला लिसे कानुन मन्त्रालया जिम्मेवारी ब्यूगु दु। माया श्रेष्ठ व गीता गुरूङयात जिम्मेवारी तोके यागु मदुनि। बागमतीइ कांग्रेसं कघाना तःगु न्यागु मन्त्रालय मन्त्री विहीन जुयाच्वंगु दु।

गोविन्द लम्साल आन्तरिक मामिला लिसे कानुन मन्त्री जुइ धुकुगु दु सा युवा लिसे खेलकुद, संस्कृति लिसे पर्यटन, खानेपानी, ऊर्जा लिसे सिंचाइ व सहकारी लिसे गरिवी निवारण मन्त्रालय नेतृत्वविहीन जुयाच्वंगु दु।

वंगु साउन ९ गते प्यम्हेसिया व साउन १३ गते छम्हेसिया राजीनामा बिया लामाविरुद्धया अविश्वास प्रस्तावय् ल्हाःचिं तःगु खः।

Categorized in राष्ट्रिय