महेन्द्रेश्वर महाद्यः अथे धइग ‘मखं महाद्यः’ थाय् थौ रुद्राभिषेक याःगु दु।दँय् दँसं साउन १५ गते मखनय् महाद्यःयात म्वो ल्हुकेगु व पूजा यायेगु चलन दु।

थौ सुथय् महाद्यःया पूर्णकदया मूर्तिइ दुरु, धौ, मह मिश्रि  पञ्चामृत तया म्वो ल्हुकिइगु याइ।जुजु महिन्द्र मल्लं नेपाल सम्बत ६७४ य् पशुपति महाद्यः थे दयेका ‘महेन्द्रेश्वर महाद्यः ’ प्रतिस्थापन याःगु खः।

किंवदन्ती कथं जुगु महिन्द्र मल्लं न्हिन्हि पशुपति महाद्यः थाय् वना भक्ति याःगु खना महाद्यः लय्ताया जुजु धाः थाय् हे च्वनिइगु वरदान बिउगु कथं ‘महेन्द्रेश्वर महाद्यः’ या देगः दयेकूगु खः।

Categorized in राष्ट्रिय