बागमती प्रदेशया प्रमुख दीपकप्रसाद देवकोटा मफयादीगु दु। वय्कःया उसाँय्लय् छत्थुं समस्या वःगुलिं थौं सनिलय्या निंतिं क्वःछिनातःगु नवनियुक्त जुयादीपिं मन्त्रीपिनिगु शपथ ज्याझ्वः लिज्यागु दु।

प्रदेशया प्रमुख देवकोटा थौं सुथय् वासः याकेत येँय् झायादीगुलिं मेगु सुचं पिहांमवः तक निंतिं शपथया ज्याझ्वः लिज्यागु प्रदेश प्रमुखया ज्याकुथिं धाःगु दु।

मुख्यमन्त्री बहादुरसिंह लामां बुधबाः प्रदेशसभा दुजःपिं गोविन्द लम्सालयात आन्तरिक मामिला लिसें कानुनमन्त्री, माया श्रेष्ठयात युवा लिसें खेलकुदमन्त्री व गीता गुरुङयात सहकारी लिसें गरिबी निवारणमन्त्रीइ नियुक्त यानाः शपथया निंतिं प्रदेशप्रमुखया न्ह्यने सिफारिस यानादीग खः।

Categorized in राष्ट्रिय