प्रधानमन्त्री केपी शर्मा ओलीं साहस मतंकीपिं व भविष्यप्रति आशावान् युवा उद्यमीत ‘समृद्ध नेपाः, सुखी नेपाःमि’या राष्ट्रिय आकाङ्क्षा पूवंकेत न्ह्यचिलेमाःगु धयादीगु दु।

प्रधानमन्त्री निवास, बालुवाटारय् थौं औद्योगिक व्यवसाय विकास प्रतिष्ठानं ग्वसाः ग्वःगु ‘प्रधानमन्त्रीलिसे स्टार्टअप उद्यमी’ ज्याझ्वलय् प्रधानमन्त्री ओलीं विकसित मुलुकया बांलाःगु भविष्यप्रति आशावादी जुयाः ‘झीसं यायेफइ’ धइगु भाव ज्वनाः न्ह्याः वनेमाःगुलिइ बः बियादिल।

“झीपिं सन् २०२६ य् विकसित मुलुुकय् स्तरोन्नति जुइत्यंगु दु। अनंलिपा विकासित मुलुकय् दुथ्याइ। झीगु देय् मेपिं वयाः दयेकाबीमखु। झीसं हे दयेकेगु खः। प्रविधियात छ्यलाः, विकासनिर्माण व अभ्यासया लिधंसाय् झीपिं आधुनिकीकरण व उत्पादनवृद्धिइ वनेफइ”, प्रधानमन्त्री ओलीं धयादिल, “झीपिं फुक्क छप्पँ जुयाः वन धाःसा ‘वी क्यान डू’..नेपाः बने जुइ।”

Categorized in राष्ट्रिय