सेयर बजाः थौ बिहीवाः ३१.५० ल्याखं कुहावया नेप्से परिसूचक २९२२ ल्याखय् थ्यःगु दु।थौ अधिकतम विन्दु २९६७ ल्याः थ्यःगु खःसा २९२२ य् बन्द जूगु खः।

बजाःया ल्याः नाप कारोबार रकम न घटे जूगु दु। म्हिगः १६ अर्ब ४४ करोडया कारोबार जूगु खःसा थौ १५ अर्ब ९८ करोड जक जुगु दु। ५२ गु कम्पनीया भाः थहावःगुलि १९८ गु कम्पनीया भाः कुहावःगु दु। फाइनान्स बाहेक दक्को समूहउा सूचक घटे जूगु दु। फाइनान्स १.१८ प्रतिशतं थहावःगु खः।

व्यापार दकलय् अप्पो २.४४ प्रतिशतं कुहावःगु खः। बैंकिङ १.४४, विकास बैंक ०.४७, होटल लिसे पर्यटन ०.९९, हाइड्रोपावर १.१५, लगानी १.३२, जीवन बीमा १.२९, उत्पादन लिसे प्रशोधन १.१४, माइक्रोफाइनान्स ०.५०, निर्जीवन बीमा ०.७० नाप मेमेगु ०.३० प्रतिशतं कुहावःगु दु। स्वगू कम्पनीया भाः १० प्रतिशतं थहावःगु दु।

ट्रेड टावर, नेपाल फाइनान्स व कर्पोरेट डेभलपमेन्ट बैंक १० प्रतिशतं थहावःगु खः। ग्रिन डेभलपमेन्ट बैंक ९.९, सप्तकोशी विकास बैंक ९.८६, सिन्धु विकास बैंक ६.७४, सान्भी इनर्जी ५.३९ प्रतिशतं थहावःगु खः।

भूगोल इनर्जी ७.१०, माइखोला हाइड्रोपावर ५.७० व अपरसोलु हाइड्रो इलेक्ट्रिक ४.९४ प्रतिशतं भाः कुहावःगु दु।

थौै कारोबार जूगु न्यागु कम्पनी हिमालयन रिइन्स्योरेन्स, नेपाल पुनर्बीमा, हिमालयन डिस्टिलरी, शिवम् सिमेन्ट व लुम्बिनी विकास बैंकया सेयर यक्को कारोवार जुगु खः।

Categorized in राष्ट्रिय