सञ्चार नाप सूचना प्रविधिमन्त्री पृथ्वीसुब्बा गुरुङं मन्त्रिपरिषद् पुनर्गठनया सम्भावना दु धइगु सङ्केत क्यःगु दु। ताः ईनिसे मन्त्रिपरिषद् हिलाबुला मजुगुलि सत्तारुढ दल दथुइ सहमति जुल धाःसा पुनर्गठन जुइफु धका धयादीगु दु।

थौ बिहीवाः सञ्चार मन्त्रालयय् जुगु छगु पत्रकार सम्मेलनय् पत्रकार तय्गु न्ह्यसःया लिसः बिइगु झ्वलय् मन्त्री गुरुङं धयादीगु दु, ‘सामान्यत निला स्वलाय् मन्त्रिपरिषद् पुनर्गठन जुयाच्वंगु झीगु देशय् १३ महिना तक जुगु मदुनि। आः जुल धाःसा अस्वाभाविक मखु।’

धका धयादसे वयकलं नेकपा एमाले व नेपाली कांग्रेस दुथ्यागु राजनीतिक संयन्त्रयय् सहमति जुल धाःसा मन्त्रिपरिषद् पुनर्गठन जुइ धका स्पष्ट यानादील। ‘सरकारय् दुथ्यापि मन्त्री तयेगु कार्यसम्पादनय् न्ह्यसः ब्बलन धाःसा पार्टी सहलह याना हिलेफु,’ धका वयकलं पत्रकार सम्मेलनय् धयादीगु खः।

Categorized in राष्ट्रिय