लागू वासः अवैध कारोबारय् संलग्न खुम्हेसित येँया थी थी थासं ज्वंगु दु।

प्रहरीं येँया गोकर्णेश्वर नगरपालिका–२ नाम्यागल रोडय् लागूऔषध ६०० गू ट्याब्लेट नाइट्राभेट ज्वनाः वनाच्वंगु अवस्थाय् न्याम्ह व येँ महानगरपालिका–२६ सामाखुसीं ब्राउन सुगरलिसें छम्हेसित ज्वंगु खः।प्रहरीं लागू वासः ओसारपसारय् संलग्नतय्त थौं सार्वजनिक याःगु खः।

ज्वंपिं कालिकोटया २५ दँ दुम्ह सरोज शाही, सिन्धुपाल्चोकया २४ दँ दुम्ह सूर्य लामा, काभ्रेपलाञ्चोकया ३३ दँ दुम्ह विमल मगर, कास्कीया ३४ दँ दुम्ह आशिष विक व ३० दँ दुम्ह मनवीर गुरुङ नापं झापाया ३३ दँ दुम्ह शङ्कर राजवंशी खः।

राजवंशीपाखें १०९.२२ ग्राम ब्राउन सुगर, डिजिटल तराजु छगः, मोबाइल गुगः व नेपाली ध्यबा ८२ द्वः व ६३५ लुइकूगु जिल्ला प्रहरी परिसर येँया प्रहरी उपरीक्षक कुलदीप चन्दं जानकारी बिउगु खः।

Categorized in अपराध