हलिं नेवाः दबूया न्हूम्ह नायः पदय् थौंकन्हय् अमेरिकाय् च्वना च्वनादीम्ह मनोहर श्रेष्ठयात सर्वसम्मत नायः ल्यःगु दु।अथेहे, बरिष्ठ न्वकू पदय् अमेरिकाय् च्वनाच्वंम्ह समीर महर्जनयात ल्यःगु दु।

अथेहे, न्वकू पदय् क्यानडाया विमलमान श्रेष्ठ, दुबईया विरेन्द्रकुमार नकःमि, अमेरिकाया समन्त श्रीरत्न बज्राचार्य व नेपाःया सुरेन्द्रभक्त श्रेष्ठयात सर्वसम्मति कथं ल्यःगु दु।

दबूया मूछ्याञ्जे पदय् नेपाःया लुमु श्रेष्ठ निर्वाचित जुयादीगु दुसा दांभरीइ अमेरिकाया दिपक डंगोल व जनसम्पर्क अधिकारीइ नरेश शाक्ययात ल्यःगु दु। दबूया दुजलय् अमेरिकाया अनिल रंजित, नेपाःया अञ्जना ताम्राकार, अमेरिकाया दिपेश शाक्य, जर्मनीया कुमार नापित, अमेरिकाया कुमार सिन्दुराकार, संजय शाक्य व शैलेन्द्र मानन्धरयात ल्यःगु दु।

थ्वहे वइगु अगष्ट १५ निसें १७ तारिख तक दुबईलय् हलिं नेवाः दबूया न्याक्वःगु अधिवेशन जुइ त्यंगु दु।

Categorized in राष्ट्रिय