दक्षिण अफ्रिका च्याम्पियन्सं वल्र्ड च्याम्पियनसिप अफ लिजेन्ड्सया उपाधि त्याकूगु दु। म्हिगः बहनी जूगु फाइनल कासाय् दक्षिण अफ्रिकां पाकिस्तान च्याम्पियन्सयात न्यागू विकेटं बुकूगु खः।

पाकिस्तानं क्वःछिनातःगु १९६ रनया लक्ष्ययात लिउने लाकाः दक्षिण अफ्रिकां छगू विकेट गुमेयासें थ्व लक्ष्य प्राप्त याःगु खः। दक्षिण अफ्रिकाया एबी डि भिलियर्सं अपराजित शतक व जिन पॉल डुमिनीं अर्धशतक याःगु खः। डिभिलियर्सं ६० बलय् १२० रन दयेकूगु खःसा डुमिनीं २८ बलय् ५० रन दयेकूगु खः।

पाकिस्तानया सइद अजमलं छगू विकेट काःगु खः।थ्वसिबें न्ह्यः इंग्ल्याण्डया बर्मिंघमय् टस त्याकाः ब्याटिङ याःगु पाकिस्तानं निर्धारित २० ओभरय् ५ विकेटया क्षतिइ १९५ रन दयेकूगु खः। पाकिस्तानया शर्जील खानं ७६ व उमर अमिनं ३६ रन दयेकूगु खः ।दक्षिण अफ्रिकाया हार्डस भिजन व वेन पार्नेलं निगू व डुआन ओलिभरं छगू विकेट काःगु खः ।

वल्र्ड च्याम्पियनसिप अफ लिजेन्ड्सय् पाकिस्तान च्याम्पियन, दक्षिण अफ्रिका च्याम्पियन, अष्ट्रेलिया च्याम्पियन, व भारत च्याम्पियनया लिसें घरेलु टिम इंग्ल्याण्ड च्याम्पियन व वेस्ट इन्डिजया कासामि दुगु खः ।

Categorized in कासा