प्रधानमन्त्रीपाखें रवीन्द्र ढाँटयात भितुना देछात
लहनान्युज | गुंलाथ्व नवमी ११४५, सावन १८ आईतवाः
प्रधानमन्त्री केपी शर्मा ओलीं म्याट्रिक्स फाइट नाइट (एमएफए१७)य् बान्टमवेट च्याम्पियन त्याकादीम्ह नेपाःया रवीन्द्र ढाँटयात भितुना देछानादीगु दु।
प्रधानमन्त्री ओलीं थौं सामाजिक सञ्जालपाखें बान्टमवेट च्याम्पियन त्याकादीम्ह रवीन्द्रयात भितुना देछानादीगु दु। प्रधानमन्त्री ओलीं सामाजिक सञ्जालय् च्वयादीगु दु,“भारतया चोङ्गरेङ्ग कोरेनयात बुकाः रवीन्द्र ढाँट म्याट्रिक्स फाइट नाइट (एमएफए१७)य् बान्टमवेट च्याम्पियन जुइत ताःलानादीगु दु।
न्हापांगुखुसी नेपाःया निंतिं उपाधि त्याकादीम्ह रवीन्द्रयात यक्व यक्व भितुना दु।”भारतया नोएडाय् म्हिगः बहनी क्वचाःगु म्याट्रिक्स फाइट नाइट (एमएफए१७)य् टाइटल त्याकामि चोङ्गरेङ्ग कोरेनयात बुकाः वय्कलं उपाधि त्याकादीगु खः।
Categorized in कासा
