प्रधानमन्त्री केपी शर्मा ओली भूपरिवेष्ठित विकासशील देय् (एलएलडिसी)या स्वक्वःगु संयुक्त राष्ट्रसङ्घीय सम्मेलनय् ब्वति कायेत थौं तुर्कमेनिस्तान थ्यंकादीगु दु।

प्रधानमन्त्री ओली नेतृत्वया टोली स्थानीय ई कथं न्हिनेसिया १४ः३० ताः इलय् दुबई अन्तरराष्ट्रिय विमानस्थल जुयाः तुर्कमेनिस्तानया अवाजा सहर थ्यंकादीगु खः।वय्कःयात तुर्कमेनवासी अन्तरराष्ट्रिय विमानस्थलय् तुर्कमेनिस्तान सरकारया उपाध्यक्ष होजाम्यारात जेल्डिम्यारादोभ, संयुक्त राष्ट्रसङ्घया निंतिं नेपाःया स्थायी नियोग, न्युयोर्कया आवासीय प्रतिनिधि लोकबहादुर थापापिन्स लसकुस यानादिगु खः।

थ्व हे साउन २० निसें २३ गते तक (५ निसें ८ अगस्ट) अवाजा सहरय् ग्वसाः ग्वइगु सम्मेलनय् तुर्कमेनिस्तानया राष्ट्रपति सेरदार बेरदिमुहामेदोभ व संयुक्त राष्ट्रसङ्घया महासचिव एन्टोनियो गुटेरेसया औपचारिक ब्वनाय् प्रधानमन्त्री ओली थन झायादीगु खः।

Categorized in राष्ट्रिय