भारतया उत्तराखण्ड अन्तर्गत उत्तरकाशीया हर्षिल क्षेत्र आरीघोप्टे (क्लाउडबस्र्ट) वा वये धुका वःगु खुसिबा न प्यम्ह मनू सीगु दु सा मेपि ५० म्ह बेपत्ता जूगु दु।

उत्तरकाशी डीएम प्रशान्त आर्यया कथं लेदोनापं खुसिबा वया भौतिक संरचना तक क्षति जूगु दु। उत्तराखण्डया मुख्यमन्त्री पुष्कर सिंह धामीं सामाजिक सञ्जालं घटनाप्रति दुःख प्वकूगु दु।

हर्षिलस्थित भारतीय सेनाया शिविरपाखे करिब ४ किलोमिटर तापाकं उत्तरकाशीं धराली गामय् आरीघोप्टेय् वाः वये धुका खीर गढ नालीइ तसकं खुसिबा वःगु खः।

तसकं वा वये धुका गंगोत्री धामया दक्को सतक सम्पर्क विच्छेद जूगु दु। भारतीय सेनां आःतक १५ म्हेसित उद्धार याये धुकुगु दु।

Categorized in अन्तर्राष्ट्रिय