पाकिस्तानया बलुचिस्तान प्रान्तया मस्तुङ जिल्लाय् म्हिगः बहनी बम विस्फोट जुयाः सेनाया छम्ह मेजरलिसें स्वम्ह सुरक्षाकर्मी सीगु दु।

कुर्दगाप तहसीलया काली पासन्द खान लिक्क बम विस्फोट जूगु बीबीसीं जानकारी ब्यूगु दु।सशस्त्र मनूतय्सं विस्फोटक पदार्थ तःगु व सुरक्षा बलया सवारी साधन वनाच्वंगु इलय् विष्फोट जूगु प्रशासनया छम्ह उच्च अधिकारीं बीबीसी उर्दूयात जानकारी ब्यूगु दु।

सेनाया गाडी विष्फोट जुयाः मेपिं स्वम्ह घाःपाः जूगु बुखँय् न्ह्यथनातःगु दु।पाकिस्तानी सेनाया संचार शाखा अन्तरसेवा जनसम्पर्क (आइएसपीआर) नं आक्रमणया बारे आधिकारिक विज्ञप्ति जारी याःगु मदुनि।

बलुच लिबरेशन आर्मीं उगु आक्रमणया जिम्मेवारी काःगु दु।

Categorized in अन्तर्राष्ट्रिय