मदुम्ह पप स्टार माइकल ज्याक्सनया पुलांगु व फोहर मोजाया छगू जोडी लखौंया भावय् मी धुंकूगु दु । स्पार्कलिंग क्रिस्टलं स्टड यानातःगु उगु मोजा फ्रान्सय् मीगु ज्या जूगु खः।

फ्रान्सया नाइसय् जूगु छगू कन्सर्टय् पप स्टारं थुगु मोजा पुनादीगु खःसा आः थुकियात लखौं लखय् मीधुंकूगु दु । ताःई न्ह्यःनिसें भण्डारण यानातःगुलिं चमकदार मोजा म्हासुसे च्वन अले उकी दाग नं खनेदत।लिलाम याइम्हेस्यां ३४०० निसें ४५०० डलर तक मीगु आशा याःगु खः।

दुर्लभ वस्तुया फ्यान व संग्रहकर्तातय्सं थुकियात तसकं मू पुलाः न्यात।ज्याक्सनं पुनादीगु व छ्यलादीगु उगु मोजा बुधवाः फ्रान्सय् जूगु लिलामय् ८ हजार डलरय् मीगु ज्या जूगु खः।लिलाम याइम्ह अरोरे एली एएफपीयात धाःगु दु, सन् १९९० या दशकय् (सन् १९९७) फ्रान्सया नाइम्सय् जूगु छगू कन्सर्टया झ्वलय् माइकलं थ्व मोजा पुनातःगु खः।

२०२५ जुलाई ३० तारिखय् फ्रान्सय् नं लिलामय् तःगु खःसा सन् १९९७ य् ‘हिस्ट्री वल्र्ड टुर’या झ्वलय् पप स्टारं थ्व मोजा पुनादीगु खः।‘हिस्ट्री वल्र्ड टुर’ प्रदर्शन लिपा छम्ह स्टेज टेक्निसियनं ज्याक्सनया ड्रेसिङ रुम लिक्क वांछ्वयातःगु मोजा लुइकूगु खः । इमित दबूया लिउने लुइके धुंकाः प्राविधिकं इमित दशकौं तक सुरक्षित तयाबिल।लिलाम याइम्हेस्यां थ्व मोजायात माइकल ज्याक्सन फ्यानतय्गु निंतिं असाधारण व ‘कल्ट’ आइटम धकाः वर्णन यासें ज्याक्सन फ्यानतय्गु खजानाया मू क्यंगु दु।

ज्याक्सनं ‘बिली जीन’ नांया प्याखं ल्हुइगु झ्वलय् थ्व एथलेटिक मोजा पुनादीगु खः, गुगु थुगु भिडियोय् स्वयेफइ। ज्याक्सन सन् २००९ य् ५० दँ दुबलय् वासः ओभरडोजया कारणं मन्त ।

Categorized in मनोरन्जन