येँया खास्तिइ छम्ह ल्याय्म्ह मिजंयात खुकुरीं पाःगु द्वपनय् प्रहरीं निम्हेसित ज्वंगु दु।

धनकुटाया भेडेटार छेँ जुयाः आः येँया गोकर्णेश्वर नगरपालिका–७ य् च्वनिम्ह २० दँ दुम्ह आशिष राई व मोरङया उर्लाबारी नगरपालिका–१ छेँ जुयाः आः गाकेर्णेश्वर नगरपालिका–५ जोरपाटीइ च्वनिम्ह १८ दँ दुम्ह शंस्कार मगरयात ज्वनागु धकाः जिल्ला प्रहरी परिसर येँया प्रवक्ता लिसें प्रहरी उपरीक्षक कुलदीप चन्दं धयादीगु दु।

वय्कलं धयादिल, “थ्वहे साउन १८ गते बहनी गोकर्णेश्वर–६ नायारणटार लामा पेट्रोल पम्प सतिक च्वंगु मकवानपुर छेँ जुयाः गोकर्णेश्वर–४ नाम्गेलय् च्वनिम्ह २७ दँ दुम्ह सुरेन्द्र थोकरयात ज्वःगु खुकुरीं पालाः घाःपाः याःगु द्वपनय् उमित ज्वनागु खः।” जिल्ला प्रहरी परिसर येँ व प्रहरी वृत्र बौद्धपाखें सादा वसतय् वंगु प्रहरीया पुचलं माला स्वयेगु झ्वलय् उमित नियन्त्रणय् कयाः माःगु अनुसन्धान यानाच्वनागु धकाः प्रहरीं धाःगु दु।

घाःपाः जुम्ह थोकरया राष्ट्रिय ट्रमा सेन्टरपाखें रेफर यानाः आः वीर अस्पतालय् वासः याकाच्वंगु व भचाभचा नवाये पूmगु अवस्थाय् वःगु प्रवक्ता चन्दं धयादीगु दु।

Categorized in अपराध