तुर्कमेनिस्तानया अवाजाय् क्वचाःगु भूपरिवेष्टित विकासशील राष्ट्रपिनिगु स्वक्वःगु संयुक्त राष्ट्रसङ्घीय सम्मलेनय् ब्वति कयाः प्रधानमन्त्री केपी शर्मा ओली थौं स्वदेश लिहां झायादीत्यंगु दु।

वय्कः थौं सुथय् तुर्कमनेबासी अन्तरराष्ट्रिय विमानस्थलं दुबईया निंतिं झायादीगु दु। प्रधानमन्त्री ओलीयात विमानस्थलय् स्थानीय ई कथं सुथसिया ८ः३० ताः इलय् तुर्कमेनिस्तान सरकारया उपप्रधानमन्त्री रहसित मेरेडोभं बिदाइ यानादीगु दु।

प्रधानमन्त्री ओली दुबई जुयाः थौं बहनी ११ः०५ ताः इलय् नेपाः थ्यंकः झाइगु ज्याझ्वः दु।

Categorized in राष्ट्रिय