राष्ट्रपति रामचन्द्र पौडेल व प्रधानमन्त्री केपी शर्मा ओली थौं राष्ट्रपति भवन शीतल निवासय् नापलानादीगु दु।

राष्ट्रपति भवन शीतल निवासय् जूगु नापलायेगु ज्याझ्वलय् प्रधानमन्त्री ओलीं तुर्कमेनिस्तानय् नकतिनि क्वचाःगु भूपरिवेष्टित विकासशील राष्ट्रतय्गु स्वक्वःगु राष्ट्रसङ्घीय सम्मेलनया बारेय् जानकारी याकादीगु धकाः राष्ट्रपतिया स्वकीय सचिवालयं धाःगु दु।

प्रधानमन्त्री ओली थ्वहे साउन २० निसें २३ गते तक (५ निसें ८ अगस्त २०२५) न्ह्याःगु उगु सम्मेलनय् ब्वति कयाः शनिबाः स्वदेशय् लिहां झायादीगु खः। नापलायेगु झ्वलय् वय्कःपिं दथुइ मेमेगु समसामयिक विषय नं सहलह जूगु सचिवालयं धाःगु दु।

Categorized in राष्ट्रिय