राष्ट्रिय समाचार समिति (रासस) या महाप्रबन्धकय् पत्रकार सन्दीप राई नियुक्त जूगु दु।मन्त्रिपरिषदं म्हिगः सोमवाः बहनि च्वंगु बैठकं राईयात राससया महाप्रबन्धकय् नियुक्त यागु खः।

प्रेस चौतारी नेपालया केन्द्रीय सदस्य तक जुयादीम्ह राई निगु दशकनिसे पत्रकारिता ख्यलय् योगदान यानाच्वनादीम्ह खः। पाँचथर फालेलुङ गाउँपालिका–३ या स्थायी बासिन्दा राई थीथी सञ्चारमाध्यमय् ज्या यायेधुकुम्ह खः।

तत्कालीन भौतिक पूर्वाधार नाप यात्रायातामन्त्री वसन्तकुमार नेम्वाङया प्रेस संयोजक तक जुयादीमह राई थीथी पत्रपत्रिका, रेडियो व अनलाइनय् ज्या यानादी धुकुम्ह खः।

Categorized in राष्ट्रिय