राष्ट्रिय समाचार समिति (रासस)या कार्यकारी अध्यक्ष धर्मेन्द्र झां राससयात मिडिया अनुसन्धान केन्द्रया कथं विकास यायेगु धयादीगु दु।

सञ्चार लिसें सुचं प्रविधि मन्त्रालयय् म्हिगः आर्थिक दँ  २०८१÷८२ या प्यक्वःगु त्रैमासिक÷वार्षिक प्रगति समीक्षा नापं मन्त्रालयस्तरीय विकास समस्या समाधान समिति (एमडिएसी) बैठकय् वय्कलं राससयात मिडिया अनुसन्धान केन्द्रया कथं विकास यासें सफूकुथि व्यवस्थित यायेगु तयारी जुयाच्वंगु धयादिल।

थुकिया निंतिं मिडियानाप सम्बन्धित सपूm सङ्कलन यायेगु व सफूकुथि व्यवस्थित यायेगु तयारी जुयाच्वंगु वय्कलं धयादिल। रासस थःम्हेस्यां हे सफू न्याये फूगु अवस्था मदूगुलिं मिडियानाप सम्बन्धित सफू दुसा उपहार कथं बियाः ग्वाहालि यायेत वय्कलं इनाप यानादिल। “राष्ट्रिय समाचार समितिं ताः हाकःगु इतिहास क्वबिया च्वंगु दु व थुकिं पत्रकारिताया इतिहास दस्तावेजीकरण यानाच्वंगु दु”, अध्यक्ष झां धयादिल।

Categorized in राष्ट्रिय