जिल्ला प्रहरी परिसर येँय् बैंकिङ कसुरया मुुद्दात छप्पँ जूगु दु। परिसर प्रमुख विश्व अधिकारीया कथं वंगु दच्छिया दुने दर्ता जूगु १२ द्वः व ९१५ मुद्दाय् खुद्वः व ५५३ मुद्दा बैंकिङ कसुरया जक दु।

सहकारी ठगी, अनुचित कालबिल, विद्युतीय कसुर, साइबर अपराध व अभौतिक ध्यबा सम्बन्धी अपराधया घटना अप्वोगु दु। परिसरय् न्हिया न्हिथं स्वीन्यागू मुद्दात दर्ता जुइगु यानाच्वंगु दु।

आर्थिक दँ २०८०÷८१ य् सहकारी ठगीया नीखुगू मुद्दा दर्ता जूगुलिइ आर्थिक दँ २०८१÷८२ लय् स्वीनिगू मुद्दा दर्ता जूगु दु। परिसरय् ज्यान कायेगु उद्योगया सच्छि व पीगू मुद्दा दर्ता जूगु प्रमुख अधिकारीं धयादिल।

Categorized in अपराध