राष्ट्रिय सभाया बैठक सङ्घीय संसद् भवन न्हुगु बानेश्वरय् थौ न्हिनय् १ः१५ बजे च्वनिइगु जुगु दु। थौया बैठकय् सहरी विकास मन्त्रालयनाप सम्बन्धित न्ह्यसःया लिसः सम्बन्धित मन्त्रीं बिइगु धलखय् दु।

बैठकय् सार्वजनिक नीति नाप प्रत्यायोजित विधायन समितिया सभापति मायाप्रसाद शर्मां ‘राष्ट्रिय निकुञ्जनापं सम्बन्धित नीतिगत समस्यासम्बन्धी अध्ययन प्रतिवेदन, २०८२’ सभासमक्ष पेस याइगु जूगु दु।

सञ्चार लिसे सूचना प्रविधिमन्त्री पृथ्वी सुब्बा गुरुङं ‘सामाजिक सञ्जालसम्बन्धी विधेयक, २०८१ य् विचाः यायेमाल्’ धइगु प्रस्ताव न्ह्यब्बइगु धलखय् दु धका सङ्घीय संसद् सचिवालयं धाःगु दु।

Categorized in राष्ट्रिय