नेपाल प्रहरीया साइबर ब्यूरों सामाजिक सञ्जालय् मनू लिसें संस्थायात तातुना अमर्यादित अभिव्यक्ति लिसेंया पोष्ट यानाः समाजय् सार्वजनिक नैतिकता व शिष्टाचारय् लिच्वः लाकीगु अभिव्यक्ति ब्यूगु द्वपनय् मकवानपुर मनहरि–३ या मंगलसिंह प्रजायात ज्वंगु दु।

सामाजिक सञ्जालपाखें मयःगु व इखं जाःगु भावना तयाः चरित्र हत्या यायेगु लिसेंया अमर्यादित ज्याखँय् ब्यूरों याःगु प्रारम्भिक प्राविधिक अनुसन्धान लिसें विश्लेषणपाखें प्रजायात ज्वंगु खः।

प्रजायात विद्युतीय (इलेक्ट्रोनिक) कारोवार ऐन, २०६३ कथंया द्वपनय् म्हिगः येँ महानगरपलिका–१० शङ्खमुलं ज्वनाः येँ जिल्ला अदालतया आदेश कथं निन्हुया म्याद थप यानाः माःगु अनुसन्धान जुयाच्वंगु धकाः ब्यूरोया उपनिर्देशक दीपकराज अवस्थीं धयादिल।

Categorized in अपराध