इजरायलं गाजाय् याःगु आक्रमणय् लानाः म्हतीइ नं ८१ म्ह प्यालेस्टाइनी सीगु दु। इजरायली सेनां गाजाया दकले तःधंगु शहरी केन्द्र गाजा शहर कब्जा यायेत योजनाबद्ध आक्रमणया न्हापांगु चरण न्ह्याकूगु धाःगु दु।

अल जजीरां अन थ्यंमथ्यं १० लाख मनूतय्गु अवस्था गम्भीर जूगु जानकारी ब्यूगु दु।थौं जक स्वम्ह प्यालेस्टाइनी भोकमरीया कारणं सीगु दु। थ्व नापं भोकमरीं सीपिनिगु ल्याः ११२ म्ह मस्तलिसें २६९ म्ह थ्यंगु दु।

इजरायलया आक्रमणया झ्वलय् दक्षिणी गाजाय् विस्थापित प्यालेस्टाइनीत च्वनाच्वंगु टेन्ट क्याम्पय् जूगु हवाई आक्रमणय् लानाः स्वम्ह मनूत सीगु खः।

Categorized in अन्तर्राष्ट्रिय