पर्वतीय पर्यटन व्यवसायीपिनिगु कुसा संस्था नेपाल पर्वतारोहण सङ्घ (एनएमए)या नायः पदय् फुरगेल्जे शेर्पा निर्वाचित जुयादीगु दु। थौं सुथय् क्वचाःगु मतगणना कथं शेर्पां मेम्ह उम्मेदवार कुलबहादुर गुरुङयात बुकादीगु खः।

शेर्पां स्वसः व पीनिपाः मत व गुरुङं निसः व चयच्यापाः मत हयादीगु निर्वाचन समितिं धाःगु दु। अथे हे, वरिष्ठ उपाध्यक्षय् ईश्वरी पौडेल, प्रथम उपाध्यक्षय् मिङ्मा ग्याबो शेर्पा, द्वितीय उपाध्यक्षय् बोधराज भण्डारी, महासचिवय् राजेन्द्र लामां त्याकादीगु दु।

अथे हे सचिवय् चन्दन थापा, कोषाध्यक्षय् ङिमा नुर्बु शेर्पा व सुमी लामां ज्वलंज्वः मत हयादीगु दु।

अथे हे, ज्यासना पुचःया दुजलय् माधवकुमार धमला, केदार न्यौपाने, थुप्देत शेर्पा, गोकुल थापा, मुलाल, गुरुङ, देण्डी शेर्पा, विक्रम कार्की, रिञ्जे शेर्पा, देवेन्द्र डङ्गोल, दिकी शेर्पा व निशा भोटे त्याःगु निर्वाचन समितिं धाःगु दु।

Categorized in राष्ट्रिय