वीरगञ्ज महानगरपालिकाय् त्वनेगु लः परीक्षण लिसें शुद्धीकरण ज्या न्ह्याकाच्वंगु दु। उगु ज्याया निंतिं घुम्ति सवारी साधनलिसें पुचः परिचालन याःगु खानेपानी लिसें ढल व्यवस्थापन विभागं धाःगु दु।

विभागया महानिर्देशक रामकुमार श्रेष्ठं छेरावति (हैजा) ल्वय्या सङ्क्रमण पुष्टि जूगु लागाय् त्वनेगु लः परीक्षण व शुद्धीकरणया निंतिं माःगु सामग्रीलिसें पुचः छ्यलागु व माःगु थप सामग्री थौं छ्वयेत्यनागु धयादिल।

वय्कलं धयादिल, “जिमिसं उगु लागाया त्वनेगु लः परीक्षण यायेत तुरन्त हे सवारी साधन लिसेंया घुम्ति पुचः छ्वयागु दु। लः परीक्षण व शुद्धीकरणया निंतिं माःगु थप सामग्री थौं छ्वयेत्यनागु दु।” वीरगञ्जय् शुक्रवाः स्वम्हेसिके छेरावति ल्वय्या सङ्क्रमण पुष्टि जूगु धयातःगु दु।

Categorized in राष्ट्रिय