थौं आणविक परीक्षणविरुद्धया अन्तरराष्ट्रिय दिवस खः सन् २०१० निसें संयुक्त राष्ट्रसङ्घया इनापय् आणविक ल्वाभःयात पूवंकं न्हंकाछ्वयेगु निंतिं विश्व समुदाययात छधीधप्पं यायेगु तातुना थ्व दिवस न्यायेकाहःगु खः।

आणविक ल्वाभलं हयेपूmगु विनाश, उकिया विरुद्धया थीथी गतिविधि, सम्मेलन, सञ्चारमाध्यमपाखें थीथी चेतनामूलक सामाग्रीया प्रचारप्रसार यानाः थ्व दिवस हलिंया थीथी देसय् न्यायेकेत्यंगु दु।

थ्व दिवसया लसताय् संयुक्त राष्ट्रसङ्घया महासचिव एन्टोनिया गुटरेसं छगु सन्देश बियादिसें आणविक परीक्षणया ८० क्वःगु वार्षिकोत्सव न्यायेका च्वनाबलय् न्हापा यानाःगु निद्वःसिबें अप्वः आणविक ल्वाभःया परीक्षणयात ल्वःमंके मज्यूगु व थुजाःगु गतिविधि भविष्यय् गुबले नं दोहोरे मयायेगु धकाः संकल्प न याः यायेमाःगु खँय् बः बियादीगु दु।

Categorized in राष्ट्रिय