शाङ्घाई सहयोग सङ्कठन (एससिओ)या शिखर सम्मेलनया निंतिं चीनया थियानजिनय् झायाच्वनादीम्ह प्रधानमन्त्री केपी शर्मा ओलीं थौं हुवइगामय् च्वंगु वा उत्पादन विशेष क्षेत्र (राइस कोर प्लान्टिङ एरिया)या भ्रमण यानादीगु दु। प्रधानमन्त्री ओलीं हुवइगांया भिलेजय् च्वंगु उगु क्षेत्रय् जेडी ९३९ वाया पुसा उत्पादन लिसें कृषि, पर्यटन व शिक्षायात स्वानाः न्ह्याकूगु नमूना ज्याया बारे जानकारी कयादीगु खः।

अवलोकनया झ्वलय् प्रधानमन्त्री ओलीया नाप न्हापांम्ह मिसा राधिका शाक्य, पूर्वउपप्रधानमन्त्री लिसें प्रतिनिधिसभाया दुजः पूर्णबहादुर खड्का, शिक्षा, विज्ञान लिसें प्रविधिमन्त्री रघुजी पन्त, संस्कृति, पर्यटन लिसें नागरिक उड्डयनमन्त्री बद्रीप्रसाद पाण्डे, पूर्वमन्त्री लिसें प्रधानमन्त्रीया आर्थिक लिसें विकास सल्लाहकार डा युवराज खतिवडा, पूर्वमन्त्री लिसें प्रतिनिधिसभाया दुजः छविलाल विश्वकर्मा, परराष्ट्र मन्त्रालयया सचिव अमृतबहादुर राई, चीनया निंतिं नेपाःया राजदूत डा कृष्णप्रसाद ओली, नेपाःया निंतिं चीनया राजदूत छन सङलिसेंया नं ब्वति दूगु खः।

Categorized in राष्ट्रिय