मितेश ताम्राकारया च्वसा, संगीत व सलय् विश्वास बज्राचार्यया निर्देशनय् येँया पुन्हि म्यूजिक भिडियोया धोएवंगु प्रिमियर सिडिसि मलय् जुगु दु।

येँ महानगरपालिकाया उपमेयर सुनिता डंगोल मू पाहाँकथं झायादीगु उगु ज्याझ्वलय् यल वडा १६ या वडाध्यक्ष निर्मलरत्न शाक्य व नेपालभाषाया न्हापांम्ह सिने पत्रकार विजयरत्न असंबरे विशेष पाहाँ कथं झायादीगु खः।

म्ये हालामि मितेस ताम्राकारं थःगु व्यवसायिक ज्याखँया कारण लिमलाःसां नेपालभाषाया म्ये हालेत थः न्ह्याब्लें हे अग्रसर जुयाः च्वनागु खँ तयादील।

थ्व भिडियोया समीक्षा यायेगु झ्वलय् समीक्षक विजयरत्न असंबरें नेपालभाषाया म्यूजिक भिडियो ख्यः झन हे तब्याः जुयाः वंगु व थुगु भिडियो तसकं हे बांलाःगु धकाः तारिफ यानादील।ज्याझ्वलय् भिडियोया म्ये हालामि निभा डंगोल, मनोज महर्जन व प्रशंसा रायमाझीं नं नुगः खँ तःगु खः।

Categorized in मनोरन्जन