शाङ्घाइ सहयोग सङ्गठन (एससिओ) प्लसया शिखर सम्मेलनया झ्वलय् चीनया थियानजिनय् झाया च्वनादीम्ह प्रधानमन्त्री केपी शर्मा ओली व लाओ जनप्रजातान्त्रिक गणतन्त्रया राष्ट्रपति थोल्ङलोन सुसौलिथ नापलानादीगु दु।

नापलायेगु झ्वलय् निगू देय् दथुया थःथवंय् स्वापूया थीथी पक्षतय् खँल्हाबल्हा जूगु खः।उगु झ्वलय् पूर्वउपप्रधानमन्त्री लिसें प्रतिनिधिसभाया दुजः पूर्णबहादुर खड्का, शिक्षा, विज्ञान लिसें प्रविधि मन्त्री रघुजी पन्त, संस्कृति, पर्यटन लिसें नागरिक उड्डयन मन्त्री बद्रीप्रसाद पाण्डे, पूर्वमन्त्री लिसें प्रधानमन्त्रीया आर्थिक लिसें विकास सल्लाहकार डा युवराज खतिवडा, पूर्वमन्त्री लिसें प्रतिनिधिसभाया दुजः छविलाल विश्वकर्मा, परराष्ट्र सचिव अमृत बहादुर राईलिसेंया नं ब्वति दूगु खः।

चीनया थियानजिन मेइजियान सम्मेलनय केन्द्रय आइतवाःनिसें न्ह्याःगु सम्मेलनय् प्रधानमन्त्री ओलीलिसें ब्वति कयाच्वंगु देय्यापिं राष्ट्र प्रमुख लिसें सरकार प्रमुखपिंसं थौं सम्बोधन यानादीत्यंगु ज्याधलः दु।

Categorized in राष्ट्रिय