शाङ्घाइ सहयोग सङ्गठन (एससिओ) प्लसया शिखर सम्मेलनया झ्वलय् चीनया थियानजिनय् झायाच्वनादीम्ह प्रधानमन्त्री केपी शर्मा ओली व कम्बोडिया अधिराज्यया प्रधानमन्त्री डा सोमदेक मोहा बोरभोर तिपाहदे हुन महानेट नापलानादीगु दु।

नापलायेगु झ्वलय् निगू देय् दथुया स्वापू, व्यापार व लगानीया ख्यःयागु विस्तारलिसेंया विषयय् सहलह जूगु खः। नापलायेगु झ्वलय् निगू देय् दथुया थःथवंय् स्वापूया थीथी विषय खँल्हाबल्हा जूगु खः।

वय्कःपिं दथुइ उच्चस्तरीय भ्रमण कालबिल यायेगु विषय नं सहलह जूगु प्रधानमन्त्रीया सचिवालयं धाःगु दु। उगु झ्वलय् पूर्वउपप्रधानमन्त्री लिसें प्रतिनिधिसभाया दुजः पूर्णबहादुर खड्का, शिक्षा, विज्ञान लिसें प्रविधि मन्त्री रघुजी पन्त, संस्कृति, पर्यटन लिसें नागरिक उड्डयन मन्त्री बद्रीप्रसाद पाण्डे, पूर्वमन्त्री लिसें प्रधानमन्त्रीया आर्थिक लिसें विकास सल्लाहकार डा युवराज खतिवडा, पूर्वमन्त्री लिसें प्रतिनिधिसभाया दुजः छविलाल विश्वकर्मा, परराष्ट्र सचिव अमृत बहादुर राईया नं ब्वति दूगु खः।