चीनया थियानजिन सहरय् ग्वसाः ग्वगु शाङ्घाई सहयोग सङ्गठन (एससिओ) प्लसया शिखर सम्मेलन क्वचाये धुंकाः प्रधानमन्त्री केपी शर्मा ओली थौं बेइजिङ झायादीत्यंगु दु।

चीनया राजधानी बेइचिङय् प्रधानमन्त्री ओलीं चीनया उपराष्ट्रपति हान चङ्गनाप नाप नापलाइगु व उपराष्ट्रपति चङ्गपाखें ग्वसाः ग्वःगु बेलि भ्वजय् नेपाली प्रतिनिधिमण्डलं ब्वति कायेत्यंगु दु।

चीनया राष्ट्रपति सी चीनफिङनाप प्रधानमन्त्री ओलीं थियानजिनय् नापलानादी धुंकूगु दु।

भ्रमणया लिपांगु ज्याझ्वः कथं हलिंया नेपामितय् नापं नेपाली प्रतिनिधिमण्डल थ्व हे भदौ १८ गते चीन सरकारपाखें बेइजिङय् ग्वसाः ग्वयातःगु फासिवादविरुद्ध विश्वयुद्ध व जापानी अतिक्रमणविरुद्ध चिनियाँ जनताया प्रतिरोधी युद्धय् विजय जूगु ८० क्वःगु वार्षिकोत्सव समारोहय् प्रतिनिधिमण्डलं ब्वति कायेत्यंगु दु। वहे दिनय् प्रतिनिधिमण्डल नेपाः लिहां वइगु ज्या धलः दु।