प्रधानमन्त्री सुशीला कार्कीं ‘जेनजी’ आन्दोलनय् घाःपाः जूपिं युवातय्त नापलानाः इमिगु स्वास्थ्य अवस्थाबारे जानकारी कयादीगु दु।

प्रधानमन्त्री कार्कीं थौं न्हिनय् वीर अस्पतालया ट्रमा सेन्टरय् वासः याकाच्वंपिं घाःपाः जूपिनिगु स्वास्थ्य अवस्थाबारे जानकारी कयादीगु खः।सेन्टरया प्रमुख डा बद्री रिजालया कथं सेन्टरय् भर्ना जूपिं ३६ म्ह घाःपाः जूपिं मध्ये खुम्हसिगु सघन उपचार कक्षय् उपचार जुयाच्वंगु दु।

वय्कलं निम्हेसिगु अवस्था गम्भीर दूगु जानकारी प्रधानमन्त्रीयात बियादिल। प्रमुख डा रिजालं प्रधानमन्त्रीयात छम्ह निम्ह बिरामीतयेगु शल्यक्रिया यायेमाःगु तर गम्भीर घाःपाः जूगुलिं थत्थें शल्यक्रिया याये मफूगु जानकारी ब्यूगु दु।

Categorized in राष्ट्रिय