‘जेनजी’ प्रदर्शनया हुनिं पिहांवःगु विषम परिस्थितिया हुनिं बन्द जूगु शेयर कारोबार थ्वहे असोज २ गते बिहीबाःनिसें हाकनं न्ह्याइगु जूगु दु। नेपाल धितोपत्र बोर्डं कारोबार दिकेत ब्यूगु निर्देशन कथं बजाः बन्द जुयाच्वंगु खः।

अवस्था सहज जुसां शेयर कारोबार बन्द याःगु धासें बोर्ड व नेप्सेयात कुंखिनाहःगु खः। बोर्डं मंगलबाः हाकनं निर्देशन बिसें धितोपत्रया निगूगु बजाः कारोबार न्हापाथें हे सञ्चालन यायेत निर्देशन ब्यूगु खः।

बोर्डया निर्देशन लिपा बजाः नियमित सञ्चालन जुइत्यंगु नेप्सेया प्रवक्ता मुराहरि पराजुलीं धयादिल।

Categorized in राष्ट्रिय