संविधान दिवसया लसताय् थौं सुथय् बृहत शान्ति ¥याली ग्वसाः ग्वःगु दु। येँया फिब्वःख्यलं न्ह्याःगु शान्ति ¥याली भद्रकाली, सहिदगेट, त्रिपुरेश्वर, थापाथली जुयाः हाकनं फिब्वःख्यः थ्यंकाः सभाः याःगु खः।

शान्ति व लोकतन्त्रया निंतिं पेशागत सञ्जाल (पापड)या ग्वसालय् जूगु उगु ज्याझ्वलय् संविधानविद्, पत्रकार, वकिल, मानवअधिकारकःमि, शिक्षक, बुद्धिजीवि नापनापं थीथी पेसा व व्यवसायलिसें स्वाःपिं नागरिकतय्सं ब्वतिकाःगु खः। ¥यालीइ ब्वतिकाःपिंसं ‘संविधानया रक्षा याये’, ‘सुशासन कायम याये’, ‘शान्ति न्यंका तये’ धइगु प्लेकार्ड ब्वःगु खः।

विसं २०७२ असोज ३ गते नेपाःया संविधान जारी जूगु दिंया लुमंतिइ थ्व दिवस न्यायेका वयाच्वंगु दु। ¥यालीइ ब्वतिकाःपिंसं ई कथं संविधानय् संशोधन व सुधार यानाः यंकेमाःगु खँय् बः ब्यूगु दु। थौं हे राष्ट्रपति रामचन्द्र पौडेलया मू पाहाँसुइ संविधान दिवस मूल समारोह समितिपाखें सैनिक मञ्च तिंख्यलय् संविधान दिवस हंगु दु।

Categorized in राष्ट्रिय