शिक्षा, विज्ञान नापं प्रविधिमन्त्री महावीर पुनं पदभार ग्रहण यानादीगु दु।

थौं राष्ट्रपतिया ज्याकुथिइ पद नापं गोपनीयताया शपथ ग्रहण यानाः केशरमहलय् च्वंगु ज्याकुथिइ वनाः वय्कलं पदभार ग्रहण यानादिल। पदभार ग्रहण यानाः नवनियुक्त मन्त्री पुनं विज्ञान नापं प्रविधि ख्यःलिसे सम्बन्धित प्यंगू सल्लाहकार समिति गठन यायेगु निर्णयय् ल्हाःचिं तयादिल।

अन्तरिक्ष प्रविधि, न्यूक्लियर टेक्नोलोजी, बायोटेक्नोलोजी व सूचना प्रविधि नापं एआई सम्बन्धी सल्लाह बिइत सल्लाहकार समिति गठन यानादीगु मन्त्रालयं धाःगु खः। समितिया कार्यक्षेत्र प्रस्ताव यायेधुंकूगु दु धाःसा समितिइ दुजः तयेगु क्वःछीगु धाःगु खः।

Categorized in राष्ट्रिय