मंगलवाः थौ सेयर बजाः २.२३ प्रतिशतं थहावःगु दु। ५८.६३ ल्याखं थहावना नेप्से २६८२ ल्याः कायम जूगु दु। बजाः थहावंसा कारोबार रकम छु भचा म्हो जुगु दु।

थौ २३८ गु कम्पनी भाः थहावंगु खःसा १४ गु कम्पनीया भाः कुहावःगु दु। थौ निर्जीवन बीमा समूह दकलय् अप्पो ३.४८ प्रतिशतं थहावःगु दु। बैंकिङ १.३८, विकास बैंक २.९५, फाइनान्स २.१२, होटल नाप पर्यटन २.७८, हाइड्रोपावर ३.३०, लगानी १.६६, जीवन बीमा २.३१, उत्पादन नाप प्रशोधन १.१२, माइक्रोफाइनान्स २.५४, मेमेगु २.५१ नाप व्यापार १.८३ प्रतिशतं थहावःगु खः।

च्याःगु कम्पनीया भाः १० प्रतिशतं थहावःगु दु। सप्तकोशी विकास बैंक, जोशी हाइड्रोपावर, ग्रिन डेभलपमेन्ट बैंक, नारायणी डेभलपमेन्ट बैंक, सिन्धु विकास बैंक, भूगोल इनर्जी, एसियन हाइड्रोपावर हिमस्टार ऊर्जाया भाः १० प्रतिशतं थहावःगु खः।

कालिका पावर ९.८४, सयपत्री हाइड्रोपावर ९.८३ प्रतिशतं थहावःगु दु।दकलय् अप्पो थौ नेपाल पुनर्बीमा, युनिभर्सल पावर, हिमालयन डिस्टिलरी, शिवम् सिमेन्ट व हिमालयन रिइन्स्योरेन्स कारोवार जुगु दु।

Categorized in राष्ट्रिय