राष्ट्रपति रामचन्द्र पौडेलयात राष्ट्रिय दलित आयोगं वंगु आर्थिक दँ २०८१÷०८२ या वार्षिक प्रतिवेदन पेस याःगु दु।

आयोगया नायः देवराज विश्वकर्मां थौं राष्ट्रपतिया ज्याकुथिइ ग्वसाः ग्वःगु ज्याझ्वलय् नेपाःया संविधानया धारा २९४ कथं उगु प्रतिवेदन पेस यानादीगु राष्ट्रपतिया ज्याकुथिं धाःगु खः।दलित आयोग नेपाःया संविधानया धारा २५५ य् व्यवस्थित संवैधानिक आयोग खः।

थुकिं दलित समुदायया हित अभिवृद्धि यायेत जातीय छुवाछुत, उत्पीडन नापं विभेद अन्त्य यायेगु कुतः यानावयाच्वंगु खः। दलितलिसे सम्बन्धित पाय्छिगु राष्ट्रिय नीति व ज्याझ्वः तर्जुमा यानाः कार्यान्वयनया निंतिं नेपाल सरकारयात प्रतिवेदन पेस यायेगु आयोगया मुख्य ज्या खः।

Categorized in राष्ट्रिय