चलः वयाः सुथंनिसें अवरुद्ध जूगु नारायणगढ–मुग्लिन सतकब्व व पृथ्वीराजमार्ग अन्तर्गतया मुग्लिन–नागढुङ्गा सतकब्व छखेरं सञ्चालनय् वःगु दु।

धादिङ बेनिघाट रोराङ–१० जवाङखोलाय् वंगु चलः चीकेधुंकाः दिनाच्वंगु सवारीसाधन गन्तव्यपाखे छ्वःगु व चितवनया इच्छाकामना–५ तुइनखोला ताँय् वःगु चलः चीकेधुंकाः सतक सञ्चालन जूगु प्रमुख जिल्ला अधिकारी गणेश अर्यालं जानकारी बियादिल।

चलः चीकेगु व सवारीसाधन छ्वयेगु ज्या न्ह्यानाच्वंगु व न्हयागु नं इलय् तःधंक चलः वनीगु जोखिम दूगुलिं सावधानीपूर्वक यात्रा यायेत वय्कलं इनाप यानादिल। वा वयाच्वंगु व ल्वहं–चा कुतुंवइगु झ्वः न्ह्याना हे च्वंगुलिं उच्च जोखिम दया हे च्वंगु प्रहरीं धाःगु खः। 

Categorized in राष्ट्रिय