सुथंनिसें मद्दिक वयाच्वंगु वां यानाः त्रिभुवन अन्तरराष्ट्रिय विमानस्थलया आन्तरिक उडानत स्थगन याःगु दु।

मौसम बांमलाःगुलिं येँ, भरतपुर, जनकपुर, भद्रपुर, पोखरा व तुम्लिङटार विमानस्थलय् उडान स्थगित याःगु त्रिभुवन अन्तरराष्ट्रिय विमानस्थल ज्याकुथिया महाप्रबन्धक हङ्सराज पाण्डें जानकारी बिउगु खः। वय्कलं धयादिल, “मौसमी अवस्थाया पुनरावलोकन जुयाच्वंगु दु। अन्तरराष्ट्रिय उडानत जुयाच्वंगु दु।

मद्दिक वा वयाच्वंगु इलय् उडान यायेगु जोखिम जुइगु जूगुलिं आन्तरिकपाखे धाःसा आः उडान स्थगन याःगु खः।”मद्दिक वा वयाच्वंगुलिं थौं सुथंनिसें आन्तरिक उडानपाखेया उडानत प्रभावित जूगु खः। येँलिसें देय् न्यंकंया थी थी थासय् सुथंनिसें मद्दिक वा वयाच्वंगु जल नापं मौसम विज्ञान विभागं धाःगु खः।

विभागया कथं थौं व कन्हय् तसकं हे वा वइगु चेतावनी बिइ धुंकूगु दु धाःसा बहनीसिया इलय् अझ यक्व वा वइगु धाःगु खः।

Categorized in राष्ट्रिय