असनय् तुलाधरपिन्सं मोहनीया झ्वलय् कौलाथ्व एकादशीया कुन्हु असं पायो पिकायेगु प्रचलन दु। असनय् दकलय् क्वकालिम्ह मचायात थाकुली याना असं चालं न्यायकेगु प्रचलन दु।

थुगुसि असंया चालं कुन्हु यानिश वीर सिंह तुलाधरयात मचा थाकुली याना पायो पिकागु खः। असं पायो पिकायेगु झ्वलय् असंभलु अजिमा, असंया कुमारी, गणेद्यः, नारां द्यः, न्यालोहं चाहिकेगु याइ।

असंया आगं छेँय् थ्यने धुंकाः दकले न्हापां नायः जूम्ह मचा थाकुलीया ल्हातं असुरया प्रतिक भुइफसि पाय्केगु ज्या याःगु खःसा अनं लिपा मेमेपिं पायाःवःपिं मस्त व तःधिकपिन्सं नं भुइफसि पाला असं पायाः जात्रा क्वचायकेगु याःंगु दु।

Categorized in राष्ट्रिय