पृथ्वीराजमार्ग अन्तर्गत तनहुँया आँबुखैरेनी गाउँपालिका–४ साँखरय् सतक दुनावंगु दु। शनिबाः सुथंनिसें मदिक्कं वयाच्वंगु वाया हुनिं उगु सतक दुनावनाः आँबुखैरेनी–मुग्लिन सतक छखें जक सञ्चालन जुयाच्वंगु दु।

इलाका प्रहरी ज्याकुथि आँबुखैरेनीया प्रहरी निरीक्षक टेकप्रसाद सुवेदीं सनिलया ४ ताः इलय् सतक दुनावंगु धयादिल। निखेरं प्रहरी तयाः सुरक्षित कथं छखें जक सवारी न्ह्यायेगु व्यवस्था याःगु वय्कलं धयादिल।

अथे खः सां बहनीया इलय् उगु थासय् ग्याः चिकु दूगुलिं यात्रा मयायेत नापं वय्कलं इनाप यानादीगु दु।विसं २०७९ जेठ २७ गते वहे थासय् सतक दुनावनाः अंगः पालाः मस्र्याङ्दी खुसिपाखें पःखाः थनातःगु खः।

वहे थासय् हाकनं सतक दुनावःगु प्रहरीं धाःगु दु।

Categorized in राष्ट्रिय