इलामय् वःगु चलखं यानाः स्विप्यम्ह सित, प्यम्ह बेपत्ता
लहनान्युज | कौलाथ्व त्रयोदशी ११४५, असोज १९ आईतवाः
मदिक्कं वयाच्वंगु वा लिपा चलखय् लानाः जिल्लाया थीथी पालिकाय् स्वीप्यम्ह सीगु दु। थौं न्हिनसिया १ ताः ईतक वःगु विवरण कथं प्यम्ह बेपत्ता जूगु दु।
चलखय् लानाः सीपिं झिंछम्हेसिया सीम्ह परीक्षण जुइ धुंकूगु इलामया प्रमुख जिल्ला अधिकारी सुनिता नेपालं धयादिल। क्षतिया पूवंकं विवरण वये बाकि दनीगु जिल्ला प्रशासन ज्याकुथिं धाःगु दु।
चलखय् लानाः सूर्योदय नगरपालिका–१ मानेभञ्ज्याङय् न्याम्ह, इलाम नगरपालिका–६ घोसय् खुम्ह, सन्दकपुर गाउँपालिकाय् न्हय्म्ह व फाकफोकथुम गाउँपालिकाय् छम्ह यानाः स्वप्यम्ह सीगु प्रमुख जिल्ला अधिकारी नेपालं धयादीगु दु।
विपदय् लानाः सन्दकपुर गाउँपालिकाय् निम्ह व इलाम नगरपालिका व माइजोगमाइ गाउँपालिकाय् छम्ह÷छम्ह बेपत्ता जूगु दु।
Categorized in राष्ट्रिय
