मुग्लिन सतक व पृथ्वी राजमार्गय् थौं सुथसिया ६ ताः इलंनिसें यातायात सेवा न्हापाथें हे सञ्चालनय् वःगु दु।

वंगु शुक्रबाः व शनिबाः तच्वकं वा वयाः उगु सतकय् चलःया ग्याचिकु जुइफइगु धासें आइतबाः बहनी ९ ताः ई लिपा जक सार्वजनिक लिसें निजी यातायातया साधनत वये वनेगु दिकातःगु खः।

जिल्ला प्रहरी ज्याकुथि चितवनया प्रमुख प्रहरी उपरीक्षक गोविन्द पुरीया कथं यातायात सञ्चालनय् वयेवं दिकातःगु सवारी साधन थःथःगु गन्तव्यपाखे न्ह्याये धुंकूगु दु।

जिल्लाया १४ गू विश्राम कक्ष (होल्डिङ् सेन्टर)य् दिकातःगु सवारीसाधनत थःथःगु गन्तव्यपाखे वनाच्वंगु दु।

Categorized in राष्ट्रिय